Төсбелгі нөмірлерін беру

Старттық пакеттерді беру 2 күн ішінде – 2023 жылдың 15 және 16 қыркүйегінде жүргізілетін болады.

Беру мекенжайы: Назарбаев даңғылы, 12 - "Көрме" орталығы https://2gis.kz/shymkent/geo/70000001026576457

Старттық пакеттерді беру кестесі:

• 15 қыркүйек күні 11:00-ден 20:00-ге дейін
• 16 қыркүйек күні 11:00-ден 20:00-ге дейін

Өзіңізбен бірге жеке куәлік / паспорт / туу туралы куәлік болуы керек.

Пакет сайтта ЖҮГІРУШІНІҢ ҚОЛХАТЫН өз қолымен толтырған қатысушыларға ғана беріледі! Кәмелетке толмаған қатысушылар ата-анасының қолхатын және қолхатты толтырған ата-анасының жеке куәлігінің көшірмесін ұсынуы керек.

Үшінші тұлғалар мәлімделген қатысушының орнына қатысушының денсаулығы туралы қолхат және қатысушы куәлігінің көшірмесі, сондай-ақ старттық жинақты алып жатқан адам куәлігінің көшірмесі болған кезде ғана старттық нөмірді ала алады.

Старттық-мәрелік қалашыққа келу

Старттық-мәрелік қалашық «Shymkent Plaza» СОО алдында, Әл-Фараби алаңында орналасқан.

Старттық-мәрелік қалашыққа келуді жүгіру старты басталғанға дейін 20-30 минут бұрын жоспарлаңыз.

Ұйымдастырушылар сізден жүгіруді жоспарлап отырған киіммен старт орнына келуіңізді сұрайды.

Сақтау камерасы

Сақтау камерасына тапсыруды жоспарлап отырған заттардың санын азайту туралы көптен-көп өтініш білдіреміз. Киім мен аяқ киім тек сөмкелерде / иыққаптарда немесе пакеттерде қабылданады! Құжаттар, гаджеттер, ақша және басқа да құнды заттар сақтау камерасына қабылданбайды — оларды үйде/қонақ үйде қалдырыңыз немесе өзіңізбен бірге ұстаңыз.

«Артық ештеңе болмасын», «Ешбір құнды зат болмасын», «Толықтай дайынмын» қағидаларын басшылыққа алыңыз.

Старт уақыты

Төсбелгі нөмірі

Жарысқа төсбелгі нөмірі болған жағдайда ғана қатысуға болады, ол бойынша старттық алаңға кіру жүзеге асырылады, мәрешіге медальдар беріледі, даулы жағдайлар қаралады, сондықтан қатысушыларды сапқа тұруға шақырғанға дейін төсбелгі нөмірін алдын ала мықтап бекітіңіз.

Төсбелгі нөмірін басқа адамға беру, тіпті жүлделі орын алған жағдайда да, дисквалификацияға әкеледі!

Төсбелгі нөмірін бекіту ережелеріне назар аударыңыз:

• Нөмір алдыңғы жақта, кеудеден сәл төмен, барлық 4 түйреуішпен немесе арнайы белдікте бекітілуі керек.
• Нөміріңізді киіммен жаппаңыз, ол төрешілерге мен камераларға анық көрінуі керек. Бұл сонымен қатар жарыстан кейін фотосуреттер ағынынан табуға көмектеседі.
• Нөмірдің артқы жағына бекітілген электронды чиптерді мыжымаңыз немесе бүктемеңіз.

Назар аударыңыз! Қауіпсіздік мақсатында төсбелгі нөмірінің артқы жағына егер сізбен жүгіру кезінде бір жағдай болған кезде қоңырау шалуға болатын жақындарыңыз бен туыстарыңыздың телефон нөмірін жазыңыз. Бұл бұқаралық шара болғандықтан өзіңіздің жеке қауіпсіздігіңіз туралы ойлануыңыз керек.

Стартқа шығу

Қалашыққа келгеннен кейін (киім ауыстырудан кейін) өздігінен ширатып шынықтыруды бастаңыз немесе жалпы фитнес жаттығулары сахнасына келіңіз, ол 21 км, 10 км, 5 км, Scandi және Балалар милі үшін ұйымдастырылатын болады. Старттық алаңға кіру сапқа тұруға шақыру уақытына дейін шектеледі. Старттық алаңға өту тек арнайы шығатын есіктер арқылы мүмкін болады, ол жерде төсбелгі нөмірінің болуы тексеріледі.

Стартқа шақырғаннан кейін старттық аймақтың жетекшісі мен маршалдардың нұсқауларын орындаңыз, бағыт пен қауіпсіздік бойынша маңызды кеңестер мен техникалық регламент айтылатын болады.

Старттық чек-пойнттан өту үшін хронометрлік жүйенің антенналары сіздің нөміріңіздегі электрондық чипті оқуы үшін старттық арка қақпаларының арасында тікелей жүгіріп өту керек.

Трассада не істеу керек

Трассада оң жақ қозғалыс ұйымдастырылады.

Еріктілер мен маршалдардың нұсқаулары мен нұсқаулықтарына назар аударыңыз — олар сізге бұрылыс кезінде қателесуге жол бермейді.

Әр 2,5 – 3,5 км сайын су ішетін пункттер орналасқан. 21 км және 42 км қашықтықтар үшін бұрылыстардағы су ішу нүктелері тамақтану, изотоник және тәттілер пункттерімен біріктірілген.

Пункттерде су жарты литрлік бөтелкелерде де, стақандарда да беріледі (сізге ыңғайлы нұсқаны қолданыңыз). Трассаның бүкіл аумағы — санитарлық аймақ, бөтелкелер мен стақандарды жол жиегіне тастауға болады, біз оларды жүгіру аяқталғаннан кейін жинап аламыз.

Басқа еріктілер мен маршалдардың ескертулерін есту үшін құлаққаппен жүгіруге кеңес бермейміз.

Қашықтықта самокаттарды, роликтерді, скейтбордтарды және кез келген басқа қозғалыс құралдарын пайдалануға тыйым салынады. Жануарлармен бірге қатысуға тыйым салынады.

Мәреден өту

Мәре сызығынан өткеннен кейін еріктілер сізге қашықтыққа сәйкес келетін медаль, бір бөтелке су мен банан береді. Мәрелік дәлізден шыққанша тоқтамауыңызды сұраймыз. Мәрелік дәлізден шықаннан кейін қайта орала алмайсыз.

Старттық-мәрелік қалашық аумағында бірнеше фото-аймақ, ыстық сусындар мен тамақ сатып алуға болатын шатырлар болады. Жеңімпаздарды марапаттау жүгірушілер мәрелік қалашыққа келген кезде өтеді.

Ауа райы

Шымкентте 2023 жылдың 17 қыркүйегінде ауа-райы қандай болатынын сілтеме бойынша көруге болады: https://www.gismeteo.kz/weather-shymkent-5324/month/

Нәтижелерді қайдан көруге болады?

Ережеге сәйкес, қорытынды нәтижелер іс-шара сайтында «Нәтижелер және хаттамалар» бөлімінде 72 сағат ішінде жарияланады. Жарыс жеңімпаздарымен жұмыс іс-шарадан кейін 72 сағаттан кейін басталады.

Бастапқы нәтижелер іс-шара барысында қатысушылардың мәреден өту барысында мына жерде қол жетімді болады.

Жарыс жеңімпаздарына арналған бөлім

Егер мәрелік хаттаманың негізінде сіз таңдалған қашықтықта жеңімпаз атансаңыз, келесі нысандарды толтыруды сұраймыз:

• Ekiden командаларының абсолютті жеңімпаздары мен капитандарына арналған нысан
• Жас санаттарындағы жеңімпаздарға арналған нысан